المخلوق الارضي المزدهر هبط من الطائرة في مطار لين

.
.
.

-المخلوق الارضي المزدهر-

ولاو رمضان خلص وعيد الفطر خلص وكل شي قاعد بخلص .. منيح ما خلصت روحي وانا بالطيارة .. كيفكم , وشو اخباركم وان شاء الله مناح وملاح وكيف احوالكم وكيف الاهل ان شاء الله بخير ؟ عامل حالي زي المذيع ..

المخلوق الارضي المزدهر هبط من الطائرة في مطار لين 114659

المخلوق الارضي المزدهر هبط من الطائرة في مطار لين 114659

المخلوق الارضي المزدهر في الصورة

واجا وقت التدليع .. واي تدليع .. رحلة حلوة بالطيارة بعد ما كونيت اخاف اركب حمارة .. وممنوع المزح لاسباب مزاجية , لاني وبكل صراحة بحكي عن اول مرة ركبت فيها بطيارة بحكي معكم عن قبل عشر سنين ...

في هذاك اليوم الجميل وتحت حرارة الشمس التي بتشوي العصافير , حجزلنا ابوي( البابا ) كرتات طيارة وسفرية لالمانيا .. وفرحتي كبيرة وما بتنوصف .. خصوصا انه ابن عمي كان معي بنفس الطيارة وهو كمان طالع معي على الرحلة ..

قبل الرحلة بيوم صوريت افكر وما عرفت انام , صوريت افكر كيف بدي افوت على الطيارة او بالاحرى كيف بدها تبلعني وكيف بدها تطير .. ظليتني سهران للصبح وكنت مجهز الشنطات من قبلها بسنة لدرجة انه ملابسي صارت قديمة ..

ما اجاني نوم بهذيك الليلة , ويا ولد اتخيل صورة الغيوم واتخيل شكل البيوت من فوق .. اه اه وتخيلت غنمة بتقول مااااااااع مااااااااع بس ما بعرف ليش , بجوز بالصدفة .. المخلوق الارضي المزدهر هبط من الطائرة في مطار لين Frasha19

المخلوق الارضي المزدهر هبط من الطائرة في مطار لين Frasha19

فتحت التلفزيون وصوريت ادور على محطة فيها اغنية هادية تروق اعصابي وضغوطاتي , وفعلا لقيت اغنية .. وفجاة طراااااااااااااااااااااااااااااااخ بووووووم .. وانا ادور على الاغنية اخوي شاط الطابة وكسر اللمبة بالغرفة , مسكته [img:ff1c]http://m002.maktoob.com/alfrasha/imagesNew/smilies/10_9_132[1].gif[/img:ff1c] وسلخته شلوط من مجموعة "يا طيب القلب ويناك".. صار يعيط المخلوق الارضي المزدهر هبط من الطائرة في مطار لين Ghj

المخلوق الارضي المزدهر هبط من الطائرة في مطار لين Ghj

وراح على التخت تبعه ونام وهو يعيط .. وغط في سابع نومة ... فتحت المحطة الي لاقيتها وكانت تجيب اغاني حلوة وناعمة .. ونمت ...

ما دريت على نفسي الا وهي امي بتقولي .. قوم يا بومة ( والله اني محترم ومسكين بعرفش ليش امي بتنادي علي بومة)

صحيت وقوميت بنشاط وغسلت وجهي وروحيت اتفرج على الشنطات .. لاحظوا اني ما افطرت هههه ..

نزلت على الساحة ولقيت الشنطات تبعيات اخوي وابن عمي بقلب السيارة .. اه ماخذين مفاتيح سيارتي بدون ما يطلبو مني .. لا بسيطة .. مسامحكم . عاد ما كان معي رخصة اصلا في هذاك الوقت والسيارة لابوي هههه ..

طلعنا بالسيارة مع ابوي واخوي وابن عمي وبدون امي .. يعني ابوي بدو يقلطنا للمطار ويرجع على الدار .. وانا واخوي وابن عمي نسافر على الرحلة ..

وصلنا للمطار بعد صياح وازعاج خلى راسي لو شوي يفقع من اخوي الي ما بسكت بالمرة زي الي بالع نحلة ثرثارة ..

نزلنا الاغراض وقلتلهم استنوني شوي .. بصراحة كونيت عطشان .. وكل ما يقرب وقت السفر اعطش بزيادة , اشتريت قنينة مي وصوريت اشرب وانا مضغوط من الركبة .. وبعقلي بفكر شو بدو يصير فينا لو وقعت الطيارة لا سمح الله , هل بلحق انط منها ولا امسك بشغلة في الطيارة خليها لما توقع على الارض ما انخظ واتكسر (على نياتي شو بدي اعمل)..

وقفت بالصف عشان يختموا جواز سفري ... ومعي اخوي وابن عمي .. وبصراحة كنا مبسوطين ... ظليتني اخر واحد بالصف لانه ركبة الطيارة مش ركبة سيارة وكل ما تقرب لحظة الطيران صوريت اشعر اني ختيارة ..

سمعت صوت الموظف وهو ينادي نرجو من السادة الركاب الاتجاه نحو ممر الطائرة , رحلة رقم 545 سوف تقلع بعد قليل ..

مشيت ورا الناس في طريقي للممر المنشود .. صوريت اصب عرق ووجهي صار اصفر من الموزة وهي دايخة .. خاصة اني ما اكلت اشي من الصبح , وبالاخر وصلت باب الطيارة ..

حط اخوي رجله في داخل الطيارة وفات .. زي الي فايت على خيمة ..

واخيرا اجا دوري .. وعاد انا نظايفي .. وعامل حالي مع "فيري" ما في مستحيل . واروح اشلح من رجلي الصندل واحطه على جنب .. صارت تقولي المضيفة لا لا خذ حذاءك معك ... لبست برجلي من جديد ومشيت لعند مقعدي .. وقعدت وقبل ما يدور ماتور الطيارة صوريت انا رابط حزام الامان ..

اقلعت الطيارة واحنا كلنا خايفين .. لانه ما كان على لساني الا قصص عن طائرات وقعت .. واكيد تاثر اخوي وابن عمي من حكاياتي وصاروا من جماعة "لو" .. واسئلتهم ما بتوقف , لو وقعت فينا شو بصير , لو وقعت بقدره ينقذونا , لو الريح تكون قوية شو بصير , وهومي مفكرين حالهم قاعدين جنب مندوب الارصاد الجوية او كابتن الطيارة .. حلوا عني مني خايف اكثر منكم ... المخلوق الارضي المزدهر هبط من الطائرة في مطار لين Frasha14

المخلوق الارضي المزدهر هبط من الطائرة في مطار لين Frasha14

بعد نص ساعة بالطيارة وهي طايرة اجا الفطور من المضيفات .. وبديت اوكل .. زاكي بصراحة بس مين عنده نفس يوكل وهو خايف .. صوريت اعمل حالي طبيعي بس الصراحة ما كان يزبط معي الوضع ..

واسمعلك هالصوت الغريب .. والف راسي على جناح الطيارة .. وبصراحة ما كان اشي , لانه كان مجرد صوت طبيعي للطيارة وهي تغير الاتجاه بس المصروع مصروع زي ما بتعرفه ..

في وراي على المقعد زلمة وكان نايم .. وكان كل شوي يشخر شخرة تخليني افوت باكتئاب مزمن .. المهم شغل اخوي الزغير التلفزيون الي قودامنا .. وفك حزام الامان وصار يتبطح على المقعد ويتحرك شمال يمين على راحته .. قولتله لسا مبيرح بطليت تلبس بمبرز عامل حالك مش خايف بقلب الطيارة ... صار يقولي لع بالعكس مبين عليها الركبة بالطيارة حلوة ... وانا ما تغيب عني لحظات الخوف .. وبالاخر غفيت على المقعد .. وغطست بنوم عميق ..

وقال وانا نايم صوريت اتخيل انهم اعطونا برشوتات( مظلات ) وقالولنا ان الطيارة ستقع بعد 10 دقايق .. والبس باراشوتي .. وقال كلهم مش خايفين , والخايف الوحيد هو انا .. وقال صارو يقولولي يلا انتي بدك تنط اول واحد .. وانا امسك بالمقعد .. صحيت من النومة وعرفت اني كونيت احلم , وصوريت احمد بربنا اني كونيت احلم ... بس مبين الحلم بدو يصير حقيقة ...

لانه صار كابتن الطيارة يقول .. هناك عطل في ماتور الطيارة .. والزلمة الي وراي بشخوير اقوى من ماتور الطيارة , صار يوشوش بلي جنبه ويقول " مبين في مشكلة كبيرة بالطيارة لانهم طلبه نربط الاحزمة ونمسك بالمقاعد منيح .."

قوميت لفيت وجهي عليه وقوليتله : عمو برايك ممكن نموت ؟ ولا في امل يسيطروا عليها .. قام جاوبني الزلمة وقال : لع ( لا ) رايحين نموت على الاغلب .. صوريت اصرخ ومش عارف شو اقول .. يابا يما .. انقذونا .. عاد بدو يجي ابوي بلبسة سوبرمان ويمسك الطيارة وينزلها شوي شوي على الارض ..

وبعد اكم دقيقة قال كابتن الطيارة , تم السيطرة على العطل وسنهبط بعد 30 دقيقة في المطار .. وانا اطل من الشباك واقول يا رب ننزل بسرعة وبتعرفه الوقت بمر ببطئ بمثل هيك لحظات .. وحاولت اسيطر على ركبة رجلي وامسكها لكن فش فايدة .. وعاد انا كونيت افكر لو لا سمح الله وقعت الطيارة كيف بدي البس الباراشوت .. يعني مهيأ حالي لاسوا الامور ..

واجا وقت الهبوط وصارت الطيارة تنزل شوي شوي وتقرب على الارض .. وانا اقول يا رب يا رب ..

ولما نزلت على الارض صار الكل يسحجوا ... المخلوق الارضي المزدهر هبط من الطائرة في مطار لين Sfsfsf

المخلوق الارضي المزدهر هبط من الطائرة في مطار لين Sfsfsf

وانا من فرحتي صوريت اغنيلهم وك يا طيارة طيري طيري وقعديني ع حصيرة .. صارو يضحكوا علي .. وبعقلي قوليت خليهم يضحكوا المهم انه نزلنا ... وانا طالع من الطيارة في مطار فرانكفورت صوريت اسحج كل انواع السحجات وانط وانا ماشي زي الي جاي على مهرجان للكشاف ..

ولما ختمت جواز السفر وقالتلي شرطية الامن "ويلكام" .. لفيت وجهي على وجه ابن عمي وغمزته وقوليت "ابوك يا لولكام" ..

ولكن فجاة ذكرني ابن عمي وقال ... تنساش انه فيه رجعة .. فوتيت لحالة اكتئاب مرة ثانية .. وقوليت لع بديش ارجع بالطيارة .. خذوني بسيارة .. وفعلا من خوفي شربوني حبة منومة بالرجعة .. وما دريت عن حالي الا والطيارة على الارض .. واخوي بنبه فيي وبقول ... قوم ولك الطيارة نزلت قوووووم .. قوووووم .. ولما صحيت قولتله , ليكون مفكرني خايف ,,, انا اخاف من الطيارات ؟؟ انااااااااااااااا ؟ اصلا انا حلمي اصير كابتن طيارة .. والظاهر انه الطريق لمستشفى الامراض العقلية اقرب علي من اني اسوق يوم من الايام طيارة ..

حلمكم تعرفوني او تلاقوني ؟ بمنامكم شوفوني.
تشاو بعلبة كاكاو

- المخلوق الارضي المزدهر-

مع السلامة مع فآتن حمامة ههههههههه المخلوق الارضي المزدهر هبط من الطائرة في مطار لين 0%20(32)

المخلوق الارضي المزدهر هبط من الطائرة في مطار لين 0%20(32)

مشكوووووووووووور

مشكوووووووووووور

مشكوووووووووووووور

مشكور

ليش ما أخدتني معك

يلا موفق بالرحله الجاي
مشكور